أوعى يا عربى تخاف م البرد
أجرى بسرعه أخطف أطه
ونام وأتغطى وأحضن بطه
وأوعى تفكر يوم فى الجد
ألبس بدله ألبس جزمه
هيص أفرح شوفلك موزه
وأوعى تقلى غزه وعزه
سافر لندن روح ع العتبه
سيبك منهم عالى الطاسه
وخلى دماغك تروح لبعيد
لما كان لتاريخك مجد
موزه ومازه أشرب كاسك
ملعون ناسك أضرب كاسك
خلى الراس تروح لبعيد
وأوعى تقلى إن العربى
طلق غزه وسابها لليفنى
جايبه عصابه ونازله فى غزه
هدم وضرب متصدقشى
ديا أشاعه ديا بتاعه
ألاعيب حاوى شيل تعابينك
يا عم العربى
أستاذه ليفنى ماسك عصاية
ونازله تعلم أهلى ف غزه
حصة ضرب
وانت يا عربى خليك نايم
أوعى تقوم خاف م البرد
جوه ف قصرك أأمن حته
فيه دفاية وغطى وملاية
أوعى يا عربى تروح ف البرد
نام وأتغطى وأحضن بطه
ولو جت غزه ف يوم تستنجد
قول أنا ناقص أنا كده عايش
أمى وجاهل وعمرى ما عايز
أعرف غزه وسيرة غزه
ما لها ليفنى
حلوه وطعمه وشعرها أصفر
أنا مش عايز أعرف حد
ع ـربى أصـيل